Poezija žemaitiškai
Anglickis Stasīs
TRUOBALĖ PRI OPĖS Vies truobalē čioprīna pašiaušė. Sens eso, kap latožis, nudrėbės par kuota. Metu peilē lig kraujė nugrondė pakauši Ož skuolas ėr ož dounas pasenosė plota. Jauno būdams aš pats ton truobalė pri opės Sokėrtau ėš velniuonėšku rōstu. Puo dėrvuonus aš akmėnis raustiau kap ruopės. Šēs laikās tuokė vėina akmens dešimtės ėšsėgōsto. Bova galės kap vondens ėr sekies ba vėina Merga vešlė dėdlē nuveiziejau par patė. Ėr nušvėta truobalės nurūkosės sėinas, Kad ana pėrma karta če kuojė pastatė. Biega opės. Čiorlena pruo gala truobalės. Lēduos vasaras, žėimas, pavasarē vešlė. Auga mėižiu auksėniu dėrvalės, Auga sūnā, dokteris rūga kap tešlas. Vuo kad pauga - stėprībės nabova kor dietė. Vėsė akmėnis rautė nuoriejė, draskītė pliešėma. Vėsė truoba ėr patė, kap ouga ėšsėrposė, geidė torietė, Svėrna pėlna grūdūn, vasaruojaus prikrauta kluojėma. Bat dėrvuonā jau bova vėsė ėšdraskītė, Ėr kap ruopės išraustītė akmėnis bova. Ėr nablėka žaliūkams sūnams, kon truobalie pri opės darītė, Ėr sapnā aple dėdėlė laimė kap dūmā pražova. Vėins, pražėlosi tieva truobalie palėkės, Ėšsėpluovė i pašali žemės par jūrės; Kėts, kap rodėni avėns, blaškītėis ožnėkės, Vīdams laimė apgaulė, i miesta ėškūrė. Vėins lėkau če, pasenės, solinkės. Riemou degėn ismegosi šuona. Vuo laukūn, tėik laukūn nugīventu aplinkou Vėsa žemė kaimīnu - dėrvuonā!Papildomi skaitiniai:
Žemaičių epas
Jonas Šiožinys. Eilės
D. Kajokas. Slaptasparnis
V.P. Bložė. Azartas ir kt.
Salomėja Nėris. Vėjas ir kitos eilės
Lietuvių literatūros tendencijos
Jorge Luis Borges. Liaupsė tamsai
Juozas Tysliava. Verkiau, kaip vaikas
Bianca Lamblin. Pasimetusios merginos memuarai
Rezidento pamokslas nepažįstamiems ponams
Rimantas Klusas. Galvoju, ko nereikia
P.R. Liubertaitė. Dūžtantys miražai
A. Zalatorienė. Zodiako eilės
Pirmasis Nobelio premijos laureatas
K. Plankas. Pristatymas ir eilės
Arthur Rimbaud. Blogas kraujas
Jonas Kuzmickis. Mano žodžiai --
P. Širvio eilės
Sulpicia elegijos
Lietuviskos vizijos
Odisėjas visapusiškas
Vartiklis